INEIN

  Unha retrospectiva sobre o lume no noso concello: un traballo de investigación e recopilación de material diverso que inclúe fotografías, prensa e as impresións do alumnado.

Lembramos a  visita polos arredores para ver as zonas queimadas... E agora a primavera que se achega!

Algúns enlaces de interese: En Pinterest  podemos atopar os rostros de moitas das nosas creadoras de poesía en diferente linguas. Poesía hecha por mujeres Poemas del Alma Poetisas de España

Alumnado de INEIN e Vida saudable  

Galería de fotos sobre o incendio no noso concello  e que nos van chegando coa colaboración do alumnado.     

Esta fin de semana foi tráxica para Galicia e en especial para o noso concello por mor dos intensos incencios. Despois de dous días sen aulas, retomamos a actividade lectiva reflexionando sobre o que aconteceu. Hoxe na clase saíron as palabras que nunca nos gustaría pronunciar pero entre todos e todas conseguiremos superalo. O noso traballo de investigación deste trimestre consistirá en averiguar o que pasou nas diferentes parroquias,todo o que perdemos e como nos sentimos. Recuperaremos historias vividas e fotografías para non perder a memoria e procurar que a historia non se repita. Moito ánimo!

O curso chega ao seu remate e toca despedirse desta gran aventura que comezamos buscando información  e navegando pola rede. Agora chega o  descanso pero como hai tempo para todo, para xogar e seguir aprendendo, deixamosvos cun dos nosos xogos favoritos... Preme na imaxe e verás todo  o que podes atopar para compartir cos teus amigos!

Coa ocasión do Centenario do nacemento de Gloria Fuertes, durante este trimestre, o alumnado de INEIN de 1º de ESO  elaborou diferentes traballos sobre esta escritora.  A primeira fase foi de documentación e para iso recomendamos algunhas páxinas destacadas. Posteriormente foron elaborando presentacións cos poemas da autora. Cada alumno/a debe escoller un poema diferente. Ademáis recolleremos todas as propostas nunha imaxe en Thinglink. Documentación Fundación Gloria Fuertes Gloria Fuertes, mucho más que la poeta de los niños 10 poemas de Gloria Fuertes, la poeta de corazón immenso Gloria Fuertes, poemas del alma El rap canta a Gloria Fuertes Este é un dos poemas que xa fomos seleccionando anteriormente e que forma parte das lecturas compartidas na celebración do Día da Paz, unha actividade organizada polas Escolas asociadas á UNESCO, das que o noso centro forma parte.

Por segundo ano consecutivo o noso alumnado visita o mercado municipal no  Día Internacional dos mercados, baixo o lema "Quere o teu mercado". Unha oportunidade para coñecer tanto os productos locais  como os que forman parte da nosa alimentación e tamén o pracer de conversar coas persoas que rexentan os diferentes postos para coñecer os seus problemas e as súas vivencias no día a día. Ademáis, desta vez, puideron asistir á exposición de fotografías sobre a evolución do mercado e do pobo nos últimos anos.  .

O noso centro é privilexiado dado que conta cunha finca na que podemos desfrutar, pasear e tamén investigar o medio que nos rodea sen ter que saír do recinto escolar. Desta vez, coa axuda da profesora de Bioloxía, o alumnado puido comprobar in situ as diferentes especies tanto autóctonas como alóctonas e incluso facer propostas de  mantemento e recuperación.

O xoves 4 de maio o alumnado de 1º de ESO asistiu á charla  que leva por nome "Navega con rumbo"organizada polo departamento de Orientación. Esta inciativa do Colexio de Enxeñaría Informática de Galicia e a Consellería de Educación pretende achegar aos menores a un uso consciente e responsable de Internet e aborda temas como as redes sociais, o acoso, a suplantación de identidades ou o tratamento da identidade dos menores. En Pinterest no taboleiro de  "Protégete en red"  de@educaINTEF hai moitas infografías que recollen as recomendacións básicas. 

O alumnado de 1º ESO visitou O Grove. En primeiro lugar fixeron unha visita ao acuario para descubrir as especies atlánticas e observar a fauna propia das nosas costas (raias, xurelos, douradas, rodaballos, maragotas, centolas, lumbrigantes...). Despois realizaron un paseo en catamarán para visitar unha batea.Rematamos a viaxe na illa de A Toxa. Un día especial e diferente para os que somos de mar adentro!

Recibimos a visita da escritora Ledicia Costas ,organizada pola biblioteca. Deste xeito o noso alumnado tivo a oportunidade de coñecer os diferentes aspectos creativos do seu libro de lectura "Escarlatina, a cociñeira defunta", tamén puideron falar de ciberacoso e mesmo  de Julio Verne... Unha boa maneira de celebrar o Día do libro!

O alumnado de 1º de ESO participa nun obradoiro organizado pola profesora de Bioloxía para coñecer e investigar os minerais da man do xeólogo e investigador Francisco Canosa. Tamén recomendamos unha visita ao seu interesante  blog  Rutas xeolóxicas de Galicia  

O noso alumnado  participa na actividade "Adopta unha árbore" na finca do instituto. Dende a materia de INEIN, levamos a cabo unha actividade de sensibilización para desenvolver a capacidade de observación e descobrimento do medio que nos rodea, fomentar o entusiasmo e establecer compromisos persoais  cara a actitudes de conservación. Na primeira sesión  cada grupo deberá marcar na súa ficha de observación as árbores e prantas ornamentais que van atopando. Tamén deberán decidir e consensuar a árbore que van adoptar. Posteriormente buscarán información tanto na biblioteca como na rede sobre a súa escolla. Finalmente deberán redactar o seu compromiso para coidala e protexela.

O alumnado de 1º de ESO fai un percorrido polo Museo do Mar  en Vigo, ademáis de participar nos diferentes obradoiros que nos ofrecen para entender mellor o noso mar, o mundo submarino e a vida dos galegos e galegas vencellados ao mar. Esta é unha actividade interdisciplinar organizada pola profesora de Bioloxía, coa que colaboramos dende a materia de INEIN en diferentes actividades programadas ao comezo de curso. Este día foi, sen dúbida, unha gran experiencia de investigación e aprendizaxe! E agora unha demostración de que a pesca tamén é unha actividade en equipo! 

O alumnado de 1º de ESO visita a exposición  "O Principiño arredor do mundo" que estes días está no CEP Carlos Casares de Alxén (Salvaterra de Miño). Esta exposición forma parte da colección privada do escritor que, dende principios dos anos 70, comezou a traducir a mencionada obra ao galego para a editorial Galaxia. A súa afección polo libro de Antoine de Saint-Exupéry moveuno a coleccionar  O Principiño  en todas as linguas do mundo. No momento da súa morte, Carlos Casares tiña na súa colección máis de 100 volumes de distintas edicións de  Le petit Prince  en linguas xermánicas, eslavas, románicas, escandinavas e mesmo orientais. Ademais de contar coa obra nas linguas da Península Ibérica (galego, portugués, castelán, vasco e catalán) tiña tamén obras en aragonés, asturiano ou estremeño. A colección recolle tamén edicións únicas ou raras de linguas minoritarias, algunhas de mediados dos 70. Un bo comezo para homenaxear a Carlos Casares , o  autor que...

Video informativo compartido por bibliototem   do IES Xunqueira 2 de Pontevedra Traballo co listado de libros de lectura de diferente cursos Localización nos andeis Consulta no MEIGA no ordenador do alumnado

Con este documental poderás reflexionar sobre a importacia de ir á escola e poder aprender cousas novas cada día. . Despois veremos a correspondente unidade didáctica e faremos un pequeno traballo sobre a película. Documentación e ficha didáctica na  páxina oficial .

Debes cubrir a seguinte enquisa tranquilamente e coa maior sinceridade posible.Se non comprendes ben o enunciado consulta coa profe antes de responder.  É totalmente anónima! Cargando...

Libretas de Bibliotecas Escolares como premio polo seu compromiso lector. Parabéns!  1º ESO_B 1º ESO_A

Dentro da campaña do concello "Quere o teu mercado" o alumnado de INEIN realizou dúas visitas ao Mercado Municipal.  A primeira, para investigar e preguntar sobre o seu funcionamento e necesidades . E a segunda,na véspera do Día europeo dos Mercados e Prazas de Abastos, para levar as conclusións finais e compartilas co alumnado do colexio e da escola unitaria de Rubiós. .

Unha lembranza da nosa visita...

Pola mañá... Visita ao museo etnográfico "Casa do Patrón" en Lalín Obradoiro de queixo artesán Saída en colaboración con Ciencias Naturais

Pola tarde... Camiñada pola fraga de Catasós Visita ao "Museo Galego da Marioneta", no Pazo de Liñares. Saída en colaboración con Ciencias Naturais

Na xornada de convivio coas escolas unitarias da contorna.  

Actividade de investigación na nosa biblioteca Formación de usuarios

O alumnado de INEIN de 1º de ESO participou activamente nas actividades da "Semana de Rosalía". Estas imaxes corresponden ás lecturas compartidas na biblioteca.